窒窒o下、死埋火ᢊ
讀者黃小姐：「本人部豐田Corolla AE100，多數假日先會用，但上個星期行行o下部車窒o下窒o下，完全冇晒力，之後仲死埋火，點撻都唔著，但過多幾分鐘再試o下又著番，行車都正常，想問o下點解會咁呢？」

豐田維修專家偉哥：「照這樣情況，最大機會係電油泵老化但係又未死得晒。如果電油泵壞就會導致供油唔正常，甚至有機會泵唔到油到引擎，唔夠油食自然行唔到，有時熄了匙，再撻番個電油泵通番電，自然又會著番，遇到呢種情況，睇o黎都係時候要換泵。」

最後偉哥提到，電油隔積聚太多雜質，唔順暢一樣會窒o下窒o下死火，建議你可以到車房叫師傅幫你用壓力表檢查，如果正常情況，壓力大約係3.5kg左右。

著o左燈，未解決？
讀者Johnson：「本人部Volvo 940GL儀表板上盞好像『入』字的燈著了，搵o左兩間車房都搞唔掂，好擔心過不了政府驗車，究竟會係咩問題呢？有咩方法可以整好？」

「如果表板著o左好似『入』字既燈，最大機會係催化sensor有事，令電腦訊號出錯，但係想知咩事就需要去車房用原廠維修電腦詳細檢查，最常見原因有兩個，第一係催化唔乾淨；第二係空燃比有問題。催化有問題可能係催化sensor唔乾淨，可以嘗試清潔sensor或者更換sensor。如果問題仍未解決，就可能要換個新既催化器。如果係空燃比有問題，可能導致燃油燒唔晒，產生過多廢氣，而調校空燃比亦唔係每部車都可以。」

大雄更提及如果不處理好表板著燈問題，一定不能通過政府驗車，所以驗車前一定要把「入」字形燈的問題解決。