洗噴嘴，可慳油？
讀者陳先生：「我部02年Lancer用GDI引擎，我想問如果把燃油噴注清洗，是否可以達到省油的效果呢？」

「要省油其實最主要關鍵是駕駛者既駕駛習慣，清洗燃油噴注系統的確可以省油，但效果未必太明顯。坊間有唔少標榜可以清潔燃油噴注既用品，但作用唔大，未必能有效分解『油泥』。因為GDI引擎較複雜，如果真係想清洗，最好搵專業維修保養GDI引擎既車房，首先會用電腦檢查，得出數據後，如需清洗就會加入專用藥水落油缸，再著engine運行進行清洗，實際效果明顯好多。」

Norman亦都建議清洗「蝴蝶掩」，一樣可以達到省油效果，而且會令車頭爽好多，亦可以醫治入氣不順導致轉數不穩這個問題，自己都可以做到，效果一樣明顯。

慢轉左彎「刮刮」聲？
讀者黃先生：「本人部97年標緻406棍波，每次慢轉左彎時車頭都會發出『刮刮』聲，但轉快彎時又唔會，請問是甚麼問題呢？如果要維修，價錢大約幾多？」

「照黃先生所形容，有機會係『波joint』塵蓋爛o左，所以有『刮刮』聲。而點解慢車先出現問題而快車冇呢，咁係因為轉慢彎時你扭車太既角度比轉快彎時大，較容易觸及到有問題既組件。如果唔及時整，最嚴重有可能會甩轆。」

石哥說車主可自行檢查，找個大空地，嘗試扭盡左車太慢慢轉圈，然後再扭盡右車太重複試，如果扭那邊有聲就應該是那一邊「波joint」有問題，最好盡快找相熟車房檢查。